ANASTASIA:
ILANG minuto lang ang itinagal ng mga kaibigan ni Dwight sa studio dahil paalis din naman kami papuntang Tagaytay kung saan ang next taping location nito. Pero bago umalis ang mga ito ay magiliw pa silang isa-isang nagpaalam sa akin at binabalewala si Adeline. Ako na tuloy ang nahihiya para dito. Hindi kasi ito makaramdam na hindi siya gusto ng mga kaharap. Panay pa ang sabat nito sa usapan ng apat kahit hindi siya tinatanong. Na tipong pinagsisisiksikan ang sarili kahit kitang walang interes sa kanya ang mga ito. Kahit nga si Dwight ay hindi ito kinikibo.
Napapanguso ako habang pinapanood si Dwight na kinukunan ng eksena. Ito na kasi ang huling movie na gagawin niya. Pagkatapos nito ay plano na naming lumagay sa tahimik. Gusto kasi nitong makasal na muna kami bago pa mahalat
