Hindi na kailangan pang itulak ni Dianne si Massimo kahit pa iyon talaga ang unang naisip niyang gawin. Dahil halos smack lang naman ang ginawa nito. Ni hindi nga ito nag-abalang magtanggal ng suot na sunglasses.
"A-ano nga ang ginagawa mo rito?" hindi niya napigilan ang mautal sa pagkailang na nararamdaman nang pakawalan nito ang mga labi niya. Nagba-blush na siya samantalang todo-ngisi naman ito. "At paano mo natunton itong lugar ko?"
Kumabog nang malakas ang puso niya nang makita niyang puno ng paghangang pinagmasdan nito ang mukha niya. Na para bang siya ang pinakamagandang babae sa mundo at miss na miss nito.
"Nakalimutan mo na ba na bilyonaryo ako at tagarito ako sa Italy?" sagot nito nang dumako ang tingin sa mga mata niya. At saka tinanggal ang itim na sunglasses na suot. "Wi
