"Welcome home, Daniel!" masayang wika ng pamilya Montemayor nang makapasok sila sa loob ng mansiyon. Sabay-sabay na inilabas ng mga ito ang banner, balloons, at cake na pinaghirapan nilang ihanda lahat kagabi para sa pagsalubong kay Massimo.
Alam ni Dianne na ang lahat ay naghihintay sa magiging reaksiyon nito. Umaasa ang mga ito na matutuwa si Massimo. Pero walang emosyon na nakatingin lang ang lalaki sa buong pamilya. Saglit nga lang nitong sinulyapan ang mga pinagpuyatan nilang gawin. Tapos ay walang paalam na tumalikod lang ito at naglibot-libot sa paligid.
Samantalang inaasahan na ni Dianne ang gagawing iyon ni Massimo. Sa sandaling nakilala niya ito ay napagtanto na niya na total opposite ito ni Nathaniel. Kung gaano kabait ang kaniyang fiance ay ganoon naman kasama ang ugali nit
