Sumapit ang araw ng Linggo. Ang araw para ipagdiwang nila ang pagbabalik ng isa sa mga Montemayor. Halos lahat ng mga bisita ay masayang-masaya dahil sa wakas ay natapos na rin ang pighati ng pamilya. Lalo na ng mag-asawang Ninang Zoe at Ninong Ethan.
Pero maliban sa lahat, sI Dianne lang itong hindi masaya. Dahil may feeling siya na nagsisimula pa lang ang totoong pighati nilang lahat dahil sa bagong katauhan ni Daniel.
"I'm hurt, Dianne."
Muntik nang mahulog sa pagkagulat ang dalaga sa baritonong boses na biglang bumasag sa katahimikan ng hardin na nasa likod ng mansiyon. Nakaupo siya sa duyan na bakal habang naghihithit ng sigarilyo. Hindi na niya kayang makipagplastikan sa mga bisita at pamilya Montemayor na totoong masaya siya sa pagbabalik ni Massimo kaya nagtagpo muna siya roon
