Mabilis na inalis ni Dianne ang kaniyang tingin kay Massimo nang makitang papalapit na ito sa kanila. Nagpanggap siyang abala sa pakikipag-usap sa nobyo kahit pa ang totoo ay hindi na niya gaanong naiintindihan ang pinag-uusapan nila. Dahil ang kaniyang isip ay lumilipad kay Massimo. Habang palapit nang palapit ito ay nakapagtatakang pabilis din nang pabilis ang pagtibok ng puso niya.
"Good morning, Hijo!" sabay na bati ng mag-asawang Ninang Zoe at Ninong Ethan kay Massimo bagaman at parehong may pagtataka sa mga mukha.
Marahil ay nagulat ang mga ito sa pagsulpot na iyon ng lalaki. Iyon kasi ang unang beses na sasalo ito sa kanila sa hapagkainan, simula nang dumating ito.
"Good morning, Kuya!" sabi naman ng mga nakababatang kapatid nito at binati rin nina Nathaniel at Kuy
