Perrie.
“What’s your name, little girl?” Mula rito sa kusina ay narinig kong tanong ni Luther.
Parang sinisilaban ang bawat parte ng aking katawan sa tensyon na nararamdaman. Nandito ako sa kusina para kumuha ng maiinom ni Luther. Mabuti na lang mayroon pang powdered juice mula sa mga na-grocery ko noong nakaraang sahod.
“Pia po. Pia Ocampo. Six years old na po ako, Papa…” magalang na sagot naman ng kapatid ko.
Habang abala rito ay nakikinig din ako sa pag-uusap nila kaya natapon ang isang kutsarang powdered juice sa mesa na dapat ay ilalagay ko sa pitsel nang marinig ang itinawag ni Pia kay Luther.
Kanina ay para akong sasabog sa kaba sa bungad na tanong ni Pia. Hindi ko inaasahang ganoon ang magiging tanong niya lalo na noong niyakap niya si Luther. Habang si Luther naman ay hindi
