Bumuntong-hininga si Cade at ipinilig ang ulo. Tumalikod siya sa dati niyang silid at mabilis na naglakad palayo sa master’s bedroom kung nasaan si Carli. Kailangan na niyang tigilan ang pagbabalik-tanaw. Hindi iyon makakatulong sa kanya at sa mga plano niya sa kasalukuyan.
Si Carli ay parte na lamang ng kanyang nakaraan, isang pagkakamali ng kabataan niya. Kailangan din niyang ipaalala sa sarili kung bakit ito naroon ngayon. Dahil sa annulment nila. He was about to end his relationship with her. Kaya dapat na niyang tigilan ang pagbalik sa nakaraan. Kailangan niyang tigilang maapektuhan nito. If he had to be mean to her to keep his distance, then so be it.
Wala nang puwang si Carli sa buhay niya ngayon.
TAPOS nang maligo si Carli pero hindi pa rin maalis ang tensiyon niya. Paano
