Napatitig si Carli kay Cade. Nakikita niyang talagang nag-aalala ito para sa mga tao roon. Mukhang ibang klaseng leader ito kompara sa ama nito na sarili lamang ang iniisip noon bago ang bayan nila.
Pero nakakaubos ng energy ang palagi naming pagtatalo nang ganito. It was then that she decided. Alam niyang hindi ito ang unang susuko sa cold war nila. Kung noon siguro, tiyak na ito ang unang susuko. Kapag nagkakatampuhan sila noon, kahit pilit itong nagmamatigas, sa huli ay hindi rin ito makakatiis at unang makikipag-ayos sa kanya. Pero noon iyon. Ngayon, alam niyang imposibleng mangyari iyon.
Kapag hindi siya ang naunang mag-reach out sa kanila, tiyak mamumuti ang buhok niya bago pa siya makabalik sa Maynila. Bumuntong-hininga siya. “Okay. Pero may kondisyon ako,” sumusukong sabi niya.
