Hindi na naman nakapasok sa school si Tiffany dahil kailangan niyang asikasuhin ang mga gamit niya na ililipat sa nahanap niyang apartment kahapon. Kinuha niya ang mga mahahalagang gamit na maari niyang dalhin doon. Nang handang-handa na siyang ipalipat ang mga gamit doon ay sakto namang biglang may dumating na isang magarang kotse sa harap ng bahay niya. Napahinto tuloy ang paghigop niya sa mainit na kape. Binitawan niya ito sa isang tabi at saka tuluyang lumabas sa gate.
Nanlalaki ang mata niya nang salubungin niya ito. Bumukas ang kotse at ang unang bumaba doon ay ang tatlo nitong bodyguard. Ang isa ay pinagbuksan ang amo nila na bumababa na ngayon sa sasakyan. Agad na napairap si Tiffany nang makita niyang si Jenny pala iyon.
"At saan mo balak dalhin ang mga gamit ko? Kaylan ka pa na
