Pagkatapos maglinis ng bahay si Tessa ay gumayak na siya para puntahan ang kapatid niyang si Indira. Dahil narinig niyang asensado na ito ngayon ay hindi siya magpapatalo. Sinuot ni Tessa ang isang maganda niyang damit at pati na rin ang sapatos. Hindi ito umaalis ng bahay na hindi ayos ang kanyang mukha. Hindi mawawala ang hugis ng kanyang kilay at ang lipstick niyang kasing pula ng mansanas.
Ang akward lang sa kanya ay sa tricycle lang siya sasakay, habang ang porma na ay donyang-donya. Minsan tuloy ay hindi maiwasan ng mga tao na pag-usapan siya.
"Kayo po pala iyan, Tita Tessa," wika ng tricycle driver na sinakyan niya nang nasa kalagitnaan na sila ng biyahe. Napadungaw tuloy ito sa kanya at doon niya naalala ang mukha nito.
"Ikaw pala iyan, Levi," sabi niya rito. Tandang-tanda niya
