Kinailangan naming magpalit ng damit at magpanggap na ibang tao pagkapasok namin sa Gaia.
Paano ba naman kasi, nakabalandra sa bawat pahayagan at mga pampublikong lugar ang mga pagmumukha namin ni Divan. Nakapaskil sa ilang mga babala ang aming mga pangalan. Binasa ko nga yung isa.
"Babala para sa mga mamamayan ng Gaia: Pinag-iingat ng Imperyo ang lahat mula sa dalawang binata na nagngangalang Divan Pyrei at Yohan Caleb. Sila ang dumukot sa Prinsesa ng Arkhanta. Ang sinumang makapagbibigay ng impormasyon tungkol sa kinaroroonan nila ay gagantimpalaan ni Emperador Xyron ng isang sakong bigas at libreng sine tuwing Huwebes sa Palasyo ng Azoedia."
Nakanganga kaming tatlo sa gulat sa nabasa namin. Aba't ang bilis ng balita! Mga kriminal na pala kami ngayon! Hanep! Sarap bangasan sa mukha ni
