Isa sa mga dahilan kung bakit ako pumayag na ikasal kay Xyron at maging isang itinakdang Prinsesa ay dahil sa pamamagitan nito ay pahihintulutan akong makapasok sa mga naglalakihang pribadong silid-aklatan ng pamilya. Bawat isa sa mga maharlika ng Azoedia ay may kanya-kanyang silid aklatan at mula ng maging itinakdang prinsesa ako ay nagsaliksik na ako tungkol sa mahiwagang Quiarrah.
Sa aking pananaliksik ko natuklasang hindi na buo ang mahiwagang Quiarrah. Hindi ko parin alam hanggang sa ngayon kung panong naging mga piraso na lamang ang Quiarrah. Wala kasi akong maalala sa mga nangyari noon. Ang alam ko lang, isa akong reyna na ninakawan ng puso ng isang haring nagngangalang Alexar.
Sinubukan kong hanapin ang pangalan niya sa mga tala ng kasaysayan ngunit hindi ko siya makita. Walang n
