ISANG TAWAG ang natanggap ni Camillo mula sa abogado ni Tandang Saavedra at ayon pa rito ay natagpuan na ang nawawalang anak ng matanda. Bigla siyang nataranta sa natanggap na tawag. Biglang pumasok sa isipan niya si Aria pero wala namang ibang lumalapit sa babae kundi siya. Imposibleng si Aria iyon dahil kasama niya ang babae. Hanggang ngayon ay hawak niya pa rin ang samples ng DNA ng babae dahil hindi pa siya nakakapunta sa bahay ni Rafael Saavedra.
"We have to go, Agapito. Ligtas naman si Aria sa University na ito. Isa pa nandiyan naman si Richel para bantayan siya," wika niyang bahagyang natataranta lalo pa at naunahan pa siya ng abogado na hanapin ang nawawalang anak ni Saavedra.
Mabilis ang mga lakad na nagtungo siya sa kanyang sasakyan. Kung ano-ano ang naiisip niya ng mga oras
