LUCIFER
Hindi ko alam kung ano’ng gagawin ko. Natulos ang mga paa ko sa semento at hindi nakagalaw mula sa kinatatayuan ko.
Titig na titig ang boss ko habang seryoso ang mukha nito. Naglakad ito palapit sa akin at saka niya ako kinuwelyuhan. Nanigas ang katawan ko at nakaramdam ng takot.
“Ano’ng ginagawa mo sa silid ni Amber?” Tanong nito nang may seryosong boses. Mas lalong dumoble ang takot ko nang ilabas ng isa sa tauhan ng boss namin ang baril nito.
Napalunok ako. Ibubuka ko na sana ang bibig ko nang bumukas ang pinto. “May inutos lang po ako sa kanya, master,” sabi ni Jade. Halos pigilan ko ang paghinga ko habang hinihintay ang sasabihin ng boss namin.
Binitiwan niya ang kuwelyo ko at tinuon ang tingin kay Jade. “At ano naman ang inutos mo? Meron naman akong itinalagang bodygu
