HINDI PA ako natatapos sa pag-aayos at pagliligpit ng mga kalat ay bumukas na kaagad ang pinto ng banyo at lumabas mula doon si Sir Dame Lei. Nakatapis na lamang ito ngayon ng tuwalya at basang-basa na ang katawan. Nagpupunas din siya ng basang buhok niya gamit ang isa pang puting tuwalya.
Humahalimuyak na rin ang bango nang ginamit niyang sabon at shampoo. Nanunuot ito ngayon sa ilong ko.
Napaiwas ako ng tingin sa kanya nang lumingon siya sa akin.
"Ahm, m-matatapos na po ako dito, Sir. Kaunti na lang po ito." Ibinabalik ko naman ngayon isa-isa sa glass cabinet ang collection niya ng mga laruan.
"Naayos mo na ba ang isusuot ko?"
Napahinto naman akong bigla sa sinabi niya. "N-Naku, nakalimutan ko po, Sir. Heto na po, ilalabas ko na po!" Iniwan ko na muna ang ginagawa ko at mabilis n
