NANG MAKABALIK si Via sa Mullen, abala na lahat ang tao sa paligid. Bawat isa sa iisang kwarto ang tungo. Sa kwarto kung saan gaganapin ang press conference ni Juan Miguel. May mga welcome banner na siyang nakitang nakasabit pagpapasok pa lamang ng main lobby. Hindi niya tuloy mawari kung biglaan ba talaga iyon o pinaghandaan ba ni Anthony. Ang bilis ng pangyayari, kanina lamang nabalita sa TV ang ginawang pagpirma ni Juan Miguel sa kumpanya nila, ngayon naman magsasagawa na nang press conference bilang parte ng pag-welcome nila sa kauna-unahan nilang signed artist.
Nagmartsa siya papunta sa opisina ni Anthony para kausapin ito at tanungin kung ano plano nito. Gano’n kahirap kapag hindi sila alligned na dalawa. Kanina lamang sa meeting si Marj ang nagsa-suggest na kuhain nila si Juan Mig
