Kinatok ni Alpheus ang pinto ng kuwarto ni Isla. “Isla, it’s almost eight. I need to go.”
Napasandal si Isla sa pintuan. Hindi siya nakatulog nang maayos dahil maraming bagay ang nagsasalimbayan sa isipan niya. Paano na siya ngayon? Hanggang kailan siya magpapanggap? Ano ang kahahantungan nitong pinasok niya?
Sinilip niya ang repleksyon sa salamin at napakagat-labi. Malinaw na malinaw ang pangingitim sa ilalim ng kanyang mga mata.
“Isla, I have a meeting in an hour,” he said impatiently.
“Uhm, mauna ka na.” Bakit kasi isasabay pa siya? Alam naman nitong lampas hatinggabi na sila nakauwi.
“Bakit?”
“Basta.” Tumalikod na siya para bumalik ng kama pero biglang narinig niya ang pagpitik ng lock at ang pagpihit ng seradura. Pagkatapos ay bumukas ang pinto at iniluwa niyon so Alpheus.
N
