Tahimik lang na nakaupo si Isla sa loob ng opisina ng CEO. May kausap sa phone si Alpheus at kahit na kalmado ang boses nito ay alam niyang nakikipagtalo ito sa kung sinong kausap nito sa kabilang linya.
Ang totoong fiance kaya ang kausap nito?
Tumayo siya para sana lumabas na pero tinakpan ni Alpheus ang mouthpiece ng phone at pinukol siya ng nagbabantang tingin. “Sit down,” anito.
Bumalik siya sa couch at naupo. Bakit ba ayaw siya nitong pauwiin? Maghahatinggabi na.
Nang ibaba na ni Alpheus ang telepono ay doon na nagsimulang kumabog nang malakas ang dibdib niya. Napalunok siya at tumayo. “Sir, uuwi na po sana ako—”
“Sit down,” madiin nitong sambit, titig na titig sa kanya.
Muli, naupo na naman siya.
Lumapit sa kanya si Alpheus. Napadikit siya sa upuan nang ilapit nito ang mukha s
