Napakurap siya at umawang ang mga labi para sana magsalita subalit may bumikig sa lalamunan niya at sumikdo ang kaniyang puso nang umangat ang isang kamay ni Draco at tila hahawakan ang mukha niya. Napaigtad siya at mariing napapikit. Subalit himbis na lumapat ang kamay nito sa kaniya ay narinig niya ang malumanay na tinig ng binata. “See? Hindi puwedeng ganiyan palagi ang reaksiyon mo kapag may nagtatangkang lumapit o hawakan ka.”
Unti-unting dumilat si Janine. Noon niya nakita na nakaangat pa rin ang kamay ni Draco at nang magmulat siya ay saka lamang nito magaan na inilapat ang mga daliri sa kaniyang pisngi. Bumilis ang t***k ng kaniyang puso at kumalat ang init sa buo niyang katawan sa simpleng pagdampi lamang ng mga daliri nito sa kaniya. Subalit sandali lamang iyon. Dahil bigla ay p
