ILANG araw matapos bumisita sa kanilang bahay si Draco ay balik na naman sa trabaho si Janine sa Visperas Hotel. Sa loob ng ilang araw na iyon ay pilit siyang umakto na walang nangyaring kakaiba. Pero mukhang hindi siya nagtagumpay dahil nang dumalaw siya sa housekeeping department ay pinaningkitan siya ng mga mata ni Almira.
“Anong nangyayari sa iyo? Mukha kang zombie.”
Napakurap si Janine at awtomatikong napahawak sa pisngi niya. Kinulang ba siya ng blush on?
“Hindi maitatago ng make-up ang pamumutla mo at ang eye bags mo. At hindi ka pumupunta sa housekeeping department nang wala sa schedule kung wala kang problema at hindi mo kailangan ang relaxing smell ng fabric conditioner na gustong gusto mo,” sabi pa ni Almira.
Napangiwi si Jani
