Parang may sumipa sa sikmura ni Draco noong makita niyang namutla ang dalaga at pinawisan kahit pa nanlamig ang kamay nito. Nakita pa nga niyang nanayo ang mga balahibo nito sa braso. Noong sandaling iyon ay wala siyang ibang nais kung hindi ang malaman kung bakit nagkakaganoon si Janine. Nagkaroon pa nga siya ng matinding udyok na yakapin at aluin ang dalaga. Pero alam niyang lalo lang lalala ang sitwasyon kung gagawin niya iyon. Kaya kahit labag sa loob niya ay pinakawalan niya ang kamay nito.
Hindi nakatulog si Draco dahil sa nangyaring iyon. Hindi lang dahil sa naging reaksiyon ni Janine kung hindi dahil din sa naging reaksiyon niya. Alam niya na hindi tama. But why does he feel the need to embrace her?
“She’s not fine,” sa wakas ay nasabi niya. Huminga siya ng malalim a
