بتجوط عشان تترتب?

الحلقه ال ٩

#بتجوط عشان تترتب

بقلم :ريم اسامة

ح (9)

اقبال: ي ربي انا اعمل شنو هسع? واااي جسمها مولع عديل? احي ي بتي?

اقبال شالت التلفون وض*بت لي سامي

اقبال: سامي الحقني جوجو دي عيانه وعندها حمه شديدة??

سامي: واها انا اعمل ليها شنو?

اقبال: كيف يعني تعمل ليها شنو ??? دي م بتك تعال وديها للمستشفي

سامي: اسمعي? انا م فاااضي اتصرفي براك?✋?

اقبال قفلت الخط وجرت بالبت المستشفي بالموصﻻت?

اقبال وصلت المستشفي وسجلت اسم بتها وبقت مستنية دورها

اقبال: لو سمحتي الصف ده طويل ?وانا بتي عياانه شديد ماف طريقه

الممرضه: ماف حل اﻻ تستني دورك

اقبال بقت تبكي?? وبتها خﻻص م قادره تفتح عيونها

جاء دكتور ماري

....ي رشا المرأة دي مالها بتبكي??

رشا: والله ي دكتور قالت بتها عيانه والصف طويل?

الدكتور: طيب خليها تجيني انا

رشا:حاااضر حا اكلمها

رشا مشت لي اقبال

رشا : يا خالها تعالي معاي الدكتور ده حا يساعدك❤

اقبال:صحي ي بتي وينو ليو

رشا: الواقف هناك داك??

اقبال مشت لدكتور وسلمت عليو ودخلو جوجو في غرفه العمليات ﻻنها الغرفه الوحيده الفاضيه ورقدوها وفحص ليها

بعد م خلص الدكتور

الدكتور: والله ي خاله بتك لوزها ملتهبه خالص وده هو الرفع ليها درجه الحراره وانا شايف انو ﻻزم تعملو ليها عمليه لوز في اسرع وقت?

اقبال: شنو عمليه?? هي لمن كانت بتجيها حاله ذي دي الدكتور كان بيدينا تﻻته حقن وكل حقنه في شهر✋?

الدكتور: اها دي حقن البنسلين دي? لكن هسه هي طفلة واللوز دي لو ما شلتوها ليها ممكن تنزل ليها في القلب وتعمل صديد ومشاكل ?✋?

اقبال: شنو ??

الدكتور: ااي والله مع اﻻسف?

اقبال : اها تكاليف العمليه كم?!؟

الدكتور:سبعه الف?

اقبال: سبعه شنو??

سبعه الف اجيبها من وين انا

اقبال قعدت في الكرسي ونزلت راسها وختت يديها في راسها والدموع نازله من عيونها ذي السيل??

الدكتور: ي خالتي مالك ? لو م بتقدري تدفعي مبلغ العمليه انا م عندي مشكله انا اوعدك افضي ليك يوم خﻻل اﻻسبوعين الجاين وبعمل العمليه لي بتك❤

اقبال: بالجد?❤?

الدكتور: اااي ان شاء الله بس انا هسع حا اد*ك حقن تديها لي بتك وحا اد*ك رقمي وحا احدد ليك موعد العمليه بالضبط ح يكون متين?

اقبال: تسلم ي ولدي الله يكتر من امثالك والله يحفظك لي امك واهلك❤?

الدكتور:تسلمي?

الدكتور طلع وخله اقبال مع بتها

..........

في بيت ناس لنا

لنا صحت ذي الساعه 9 مساء

وقفت في المرايه لقت عيونها حمر من البكاء ? اصف سمع حركه لنا وجا طالع من المطبخ ووشو كلو دقيق

اصف : لنا صحيتي?

لنا: بسم الله وشك مالو عامل كده?

اصف: كنت بحاول اعمل ليك في كيكه بي شوكوﻻته عشان عارفك بتحبيها❤?

لنا: ااي بحبها لكن م قدر اﻻنت عاملو في نفسك ده???

اصف: ا بركه الضحكتي ... استني هسع خمس دقايق والكيكه تطلع واجيبها ليك معها كبايه لبن?

لنا: لبن?ياااع انت بتهظر واﻻ شنو?لبن شنو???

اصف: انتي م عندك كالسيوم عشان كده ﻻزم تشربي اللبن ده

لنا : منو القال ليك م عندي?

اصف: تزكري لمن كنا في بيتنا ايام العيد وحاولتي تفتحي البارد بي ضرسك مش ضرسك مرق مع غطايه البارد???

لنا :في داعي هسع تذكرني?اصﻻ هو كان بيتهز

اصف: م علينا ي زوله??

اصف دخل المطبخ وجا طالع بعد دقايق وفي يدو صينيه فيها كبايتين لبن وصحن كيك لنا شالت قطعه كيك

لنا: واااو ما كنت قايﻻك ست بيت شاطره كده?

اصف: وانتي لسع شفتي شئ?......دقيقه دقيقه قلتي ست بيت ?

لنا: بري? لكن علي العموم اكلك حلو شكرا

اصف سكت وبقه يعين لي لنا وهي مبتسمة ?

اصف : انتي عارفه احلي حاجه فيك انو انتي بتضحكي سرعه وبتنسي همك❤

لنا: ايوااا?

لنا قامت ودخلت الحمام

.........

ابرار كانت اليوم كلو قاعده براها شالت التلفون وض*بت لي محمد

ابرار: الوو محمد

محمد: نعم?

ابرار: ما جاي ?!؟

محمد : انتي متخلفه?انا مش قبيل قلت ليك م جااي في داعي تسالي تاني?

ابرار: اسفه بس انا كنت خايفه?

محمد:تخااافي من شنو انتي قايله نفسك عايشه في الزريبه الجيتي منها دي ?

ابرار: كويس?

وقفلت الخط

ابرار ختت يدها في قلبها وعايزه تتنفس وغمضت عينها ومع اول زفير دموعها جات نازلها?? وبقت تقول اللهم اني ﻻ اسالك رد القضاء ولكني اسالك الطف فيه

ودخلت الحمام وغسلت وشها ومشت فتحت شنطتها وطلعت ليها كتاب بتاع أدهم الشرقاوي اسمو ليطمئن قلبي ❤ وبدت تقرا

........

في فندق..

محمد البت دي كانت عايزه منك شنو?

محمد: اهدي ي حبيبتي بس كانت عايزه تشوفني جاي واﻻ م جاي?

البت: شنو هو عواره مش كلمتها قبيل،واﻻ بتحب تتعابط ?

محمد مسك يدينا البت

محمد: حبيبي? معقوله بس تغيري من الجربوعه دي? ياخ انتي هنا واشر على قلبو??❤

البت: تسلم لي?... اها نحنا ﻻزم نشوف لينا صرفه

محمد: بالنسبه لي شنو!؟?

البت: يعني انت ﻻزم تطلق مرتك وانا اطلق من راجلي?

محمد: ان شاء الله ..انتي اصﻻ حقتي وانا الكنت ناوي اعرسك بس كلو من ابوك? الرفضني عشان ما كان عندي شئ وهسع انا مستوى بقه عالي لكن بعد شنو بعد م عرس ليك واحد غيري?

البت: وﻻ يهمك انا ليك?

محمد: يالله انا الليله حا الف بيك الخرطوم كلها وسهرتنا حا تكون صباحي?

محمد مسك البت من يدها وطلعو

.......

الصباح ذي الساعه 6

اقبال: سامي انت راجع لي صباح اليوم التاني وبتك كانت بين الحياه والموت???

سامي: انا ارجع وقت ما انا عاوز فاهمه

وطااخ?? وقع فيها ض*ب لمن بقت م قادره تقوم وكانت خاته يدها في خشمها عشان ماف زول من اوﻻدها يسمع ويجي يشوف حالتها.. كانت كل م تحاول تقنع نفسها انو توقف نقاش معاو م كانت بتقدر لانو دائما بكون الكلام واجعها شديييييد ??

وسامي دخل الغرفه نام وكان سكران شديد وما واعي بي نفسو?

............

باب شقة ناس لنا فتح وجاء محمد داخل وشكلو كان مبسوط ورايق والوقت ذي الساعة 4 صباحا

ابرار: محمد كنت وين ?

محمد: انا م قلت ليك م تساليني? وزحي من وشي عشان ما تخربي لي مزاجي?✋?

ابرار بعدت منو وهو تلفونو ض*ب ومشه علي البلكونه وفتح الخط

........

عبير الصباح تلفونها ض*ب رفعتو لقتها ريان وفتحت الخط

ريان: صباااحؤؤؤ?

عبير: اهﻻ ريان

ريان : مالو صوتك عامل كده?!؟

عبير: ﻻﻻ بس تعبانه شوويه? وجع راس بسيط شويه كده وبروح

ريان: (يروح مين ي مااما ده انتي الحا تروحي?) العواف ياااخ ... تعالي الجامعه وانا بوريك وجع الراس ده من شنو?

عبير: ﻻﻻ ياخ البت خﻻص بقت عامله فيها دكتوره ي قلب نحنا يدوب في تانيه ? لكن علي العموم حا اجي اصﻻ الليله عندنا ﻻب مهم???يﻻ سﻻم

عبير قفلت الخط وقامت واستحمت ولبست وطلعت

يتبع...