بتجوط عشان تترتب?

#بتجوط عشان تترتب بقلم :ريم اسامة الحلقة الأولى إلياس: افهميني يا لنا انا ما عايز اعلقك بي? لنا: كانت بتبكي ? إلياس: لنا انا بالجد حبيبتك بس ما عاايز اخلي مصيرك مربوط بي لاني انا زاتي ما عارف مصيري? لنا: الياس قول من اﻻخر انو انا بقيت ما بنفع معاك? او شايف ليك شوفه إلياس: والله يا لنا ابوي عاصر علي شديد وقال اﻻ اعرس بت عمي ياسمين لنا: طيب ?? ربنا يسعدك ويوفقك في حياتك يا إلياس ولو سمحت لو مره في يوم اتﻻقينا في شارع غير شارعك وما توريني وشك? بعد خلصت لنا المكالمه بقت تبكي لي الصباح تاني صلت الصبح وطلعت الجامعة ابرار: لنا? بسم الله وشك مالو عامل كده ? عبير: ده شنو يا لناا ? لنا : تعالو نقعد هناك وانا حا احكي ليكم اي حاجه ....... لنا احمد 18 سنه بتقرا طب المستوي التاني لونها اسمر فاتح قوامها جميل شعرها طويل وعيونها عسليه احلي واحده في صحبتها وقلبها طيب جدا وعندها اخوين اﻻتنين اكبر منها محمد الفي ماليزيا واشرف في السعوديه ❣ ابرار سامي 18 سنة معي لنا في نفس المستوي ابرار طويله شويه وضعيفه شعرها جميل ولونها قمحي وبتلبس نظارات محجبه حالتهم الماديه صعبه جدا وزوله متعففه ما بتطلب اي قرش من اي زول وهي اكبر واحده في اخونها السته عبير حسام عمرها 18 سنه بتقرا معهم في نفس المستوي حلبيه قصيره مستوها اﻻجتماعي كويس جدا وابوها رجل اعمال معروف وهي زوله مجنونه وبتصرف القروش علي كيفها حتي لبسها ما بتسمح لي اي زول يدخل فيو وهي وحيدة امها وابوها وهم التﻻته من الثانوي كانو مع بعض وكانو مسمينهم البﻻبل تقريبا ليهم خمسه سنين مع بعض ...... ابرار : واااي يا لنا ? لكن ما تزعلي انا من البدايه قلت ليك ده ما نوع البجيك بالباب ده داير يقضي وقت بس عبير: يا بيبي وﻻ يهمك والله ما يستاهل ضفرك ده واحد حيوان سااي لنا: والله حيوان بالجد?? لكن الله يسامحو عبير: الله ﻻ سامحو وﻻ **بو هو نسي انو كان بيجري وراك سته شهور عشان تديو رقمك وفي النهايه يجي يقول كده يﻻ قشه ما تعتر ليو? ابرار: عبير كدي اهدي شويه وانتي يا لنا الولد ده ما بيستاهل تعملي عشانو ده كلو وعيونك السمحه دي بقت ذي الجمر والله? لنا: والله انا حاسه قلبي ما معاي وروحي دي مقبوضه والله لي درجه بتمنا الموت الليله قبل بكره ابرار: يا بت انتي هبله واﻻ شنو تتمني الموت عشان الياس الحيوان ده ربنا زاتو حا يحاااسبك ? اوعي تاني اسمعك بتقولي كده عبير: اااي يا لناا الزول ده ما بيستاهل تفكري فيو نؤؤؤهاااي لنا: الكﻻم ساهل عليكم بس التنفيذ صعب يعني انا بين يوم وليله فقدت الزول الحبيتو فقدت الزول البنوم وبصحي علي صوتو واكيد صعبه ارجع ذي اﻻول ?? ابرار: ماف شئ صعب ? والحمدلله انتي عرفتيهو من بدري لنا : ياخ دي سنه بي حاله كيف دايراني انسو سرعه كده عبير: يا بت سنه شنو البتبكي عليها دي والله السنه بقت عامله ذي الشهر? لنا : خﻻص خلونا نقوم لانو الدكتور بعد ده حا يدخل وما حا يدخلنا معهو تاني? ودخلوا المحاضره بعد اليوم انتهي واي واحده مشت بيتهم في بيت ناس ابرار:- ابرار : يا ابوي استني واسمعني سامي وهو بيض*ب فيها : اسممع شنو تسمعي الطرش انا مش قلت ليك تمشي ناس عمك محمد ديل وتنضفي ليهم بيتهم ابرار: يا ابوي انا قلت ليك ناس عمي محمد ديل انا ما بنضف ولدهم الكبير ده ما محترم وما عندو ﻻ اخﻻق وﻻ دين سامي :ﻻ انتي البتعرفي اﻻخﻻق والدين وتاني ض*بها بصوت شديد ومسكها من شعرها سامي : اسمعي هنا يا بت في عريس جايك الجمعه الجايه وحا نعقد طوالي انا خﻻص اديت الزول كلمه!؟ ابرار: ﻻﻻ عليك الله يا ابوي ما عايزه اعرس ??انا عايزه اكمل قرايتي سامي: قرايه شنو يا بت استفدنا منها شنو? القرايه دي هي الخلتت نص بنات البلد بايرات امشي اسالي امك انا عرستها وهي عمرها كم? سامي لزاها وطلع جا حمودي لي ابرار حمودي: ابرار معليش ما تزعلي من ابوي هو بس الليله عشان ما شرب الشئ البيشربو ده وقبيل برضو دقه امي?? ابرار: ما تبكي يا حمودي?? انا معاك انت خايف من شنو حمودي: يا ابرار انا خايف من ابوي انا بقيت ما بحبو ليه كل اﻻوﻻد ابهاتهم بحبوهم وبراعهم وبيدوهم قروش مدرستهم ?? انا والله من ولدوني ابوي ده ما حصل دخل يدو في جيبو اداني قروش? يومو كلو بيشرب في الزفت ده?? ابرار: يا حمودي ما صاح تقول عن ابوك كده ابوك ده الجابك علي الدنيا دي وهو بحبك وانت يادوب صغير ما مفروض تشيل هم قدر ده? وانا وامي قاعدين واذا احتجت لي حاجه بتﻻقينا موجودين? حمودي: شكرا ليك سامي: ابو عبير راجل سكير درجه اولي غير مبالي باي حاجه وﻻ بحسب حساب لي بكره همو كل يسكر ويلعب قمار واصﻻ هو وعيلتو كلهم نفس النسخه اهل مرتو مكانو موافقين عليو من البدايه بس ام ابرار اصرت عليو ﻻنو كان دائما مفهمها انو م ذي اهلو ومن هنا اهلها اتخلوا عنها ولﻻن عﻻقتهم مقطوعه تماما ....... في بيت في المنشيه وصلت عبير بيتهم وركنت العربيه ودخلت البيت هاله (ام عبير): عبير تعالي اتغدي معانا عبير: ﻻﻻ ما جعانه ماشه انوم? هاله : طيب عبير : ماما انا عايزه 3 ألف هاله : طيب بكره عبير : تمام?? هاله :عبير عبير : نعم ي ماما هاله :اﻻسبوع الجاي احمد ولد خالتك جاي من السعوديه وحا ينزل عندنا هنا عبير: كويس(ااووف ده الجايبو لينا شنو كمان ) عبير طلعت غرفتها ... يتبع