Jessa Zarossa’s POV
"Are you hungry?"
Napatingin ako kay Levi na nasa may couch na kanina ay busy sa pagtitipa sa keyboard nito. Natigilan ako nang kahit malayo ang mata ko dito ay nakikita ko pa rin na parang malagkit ang tingin nito sa akin. Narito ako sa kama at nakaupo. Inaabala ang sarili sa pagbabasa ng magazine.
Naguguluhan na nga ako sa sarili ko kung nang-aakit ba itong si Levi sa mga lihim na tingin nito sa akin. Akala siguro nito ay hindi ko napapansin ang madalas nitong pagsulyap sa akin. Kahit madalas ko naman na maranasan ang titig mula sa ibang lalaki ay ewan ko ba kung bakit kakaiba ang pakiramdam ko kapag kay Levi galing ang tingin. Parang hinihigop ang kaluluwa at hindi ko maiwasan na pamulaan ng mukha.
"Medyo," tipid na sagot ko kahit na kumakalam na ang sikmura ko.
