Celestine’s POV
Nagdaan na ang ilang mga araw at napapadalas na ang pagtatambay ko sa loob ng library. Minsan ay mas nauunahan ko pa si Sasha rito at mas magtatagal pa ako sa loob ikukumpara sa kanya tulad na lang ngayon...
“Oy Tine, magbreak ka naman. Walang saysay ‘yang pag-aaral mo diyan kung hindi ka rin magpapahinga kahit saglit. Baka magkamental block ka niyan kinabukasan sa test natin.” Bulong ni Sasha sa akin habang nililigpit na ang kanyang mga gamit. Dederetso na rin kasi ‘to sa resort na pinagtatrabahoan niya.
“Oo saglit lang, malapit na ako rito,” wika ko sa kanya habang nagsusulat sa journal ko. Nakahighlight rin ang ilang mga important words sa aklat ko na maaring lalabas bukas sa test.
“Kung ganito ka pa kasipag mag-aral noon, pusta ko consistent Dean’s lister ka ngayon
