NANINIBAGO si Vince sa asawang si Lira. Sa pagdaan ng araw ay kapansin-pansin ang pagbabago nito at mas lalo itong naging mas kaakit-akit. Naging mapusok din ito sa mga gabing katabi ito na hindi naman nito normal na ginagawa noon. Hindi tuloy malingid sa isip niyang tila may alam na ang asawa sa mga pinaggagagawa niya.
"Oh bakit ganyan ka makatitig babe," baling nito sa kaniya matapos ng isang mainit na sandali sa kanila.
"Wala babe, naninibago lang ako sa'yo." Hindi niya napigilang sabihin.
May ngiti sa labi ni Lira ngunit sa isip ay napapaisip siya. 'Noon kasi gusto ko ng babaeng mahinhin, naging ganoon ako Vince. Pero ngayong may nagbabantang linta ay magiging linta rin ako kung kinakailangan huwag mo lang akong iwan.' Aniya sa isipan.
"Gusto lang kitang pasayahin babe. At gusto k
