“MA, PA, sagutin niyo ho ako! Totoo ho bang hindi kayo ang mga magulang ko?”
Pag-uulit ni Aya sa kanyang tanong nang wala ni isa sa mga ito ang nagsalita.
"Narinig mo naman, 'di ba?" bale-walang sagot ng tatay niya saka nag-iwas ito ng tingin.
Parang pinagpipiraso ang puso niya. Hindi kayang tanggapin ng utak at puso niya ang narinig.
"Hindi ako naniniwala, Pa! Bawiin mo ang sinabi mo, Pa!" Humawak siya sa kamay ng Papa Mario niya at nagmakaawa rito. "Pa, hindi po totoo 'yan. Sabihin niyo pong hindi totoo ang narinig ko."
"Stop it, Sweetheart. Let's go." Niyakap siya ni Kurt mula sa likuran.
"Totoong hindi ka namin anak kaya umalis ka na rito," pagkumpirma uli ng sariling ama.
Kumawala siya kay Kurt at muling humawak sa papa niya.
"Kung totoo po 'yan, sino po ang mga magulang k
