HINDI INAASAHAN ni Cameron ang kanyang naging bisita sa unang araw niya sa kanilang negosyo. Walang iba kundi si Jace Benicio. Ang babaeng itinuturing niyang kaaway sa loob ng mahabang panahon.
“Anong masamang hangin ang nagtulak sayo rito? Hindi ka naman siguro naliligaw hindi ba?” pauyam niyang tanong sa babae. Ang lakas ng kabog ng kanyang dibdib habang pinagmamasdan ang maamo nitong mukha. Siguradong pagtatawanan lamang siya nito kapag nalaman nitong hindi siya nakatulog kagabi dahil sa kanilang muling pagkikita.
“Sabihin na lang natin na may kailangan ako sayo kung bakit ako nandito,” sagot sa kanya ng babae kaya napakunot noo siya.
“Mukhang nakalimutan mo na yata Ms. Benicio. Kahapon lang ay para kang tigre kung makatingin sa akin at sinampal mo pa nga ako. Ang bilis mo naman yata
