Nang kumalma ito ay hinawakan nito ang kaniyang kamay. "Gian, tulungan natin siya! Kahit anong hilingin mong kapalit ibibigay ko. Hindi ba't gusto mong mabuksan ang theather house? Sige, hahayaan kita sa gusto mo, basta tulungan mo lang siya!"
Wala siyang kaalam-alam sa nangyari nang gabing 'yon, ngunit nang makilala niya ang babaeng tinutukoy ni Lola Rosella ay saka pa lamang siya nagka-ideya.
"Ano, ako na lang ba ang gagawa? Ano bang pinagagawa niya?" Nagising naman siya sa malalim na pag-iisip nang dahil sa tinig ni Dianne.
Nasa tabi pa rin niya ito at nakatanaw rin sa ibaba.
"Espiya ka ba niya," tanong ni Gian na wala naman sa loob. "Kaya ka ba nag-resigned sa kumpanya niya para mabantayan ako?"
"Tsk. Ano namang pinagsasabi nito? Ngayon ay paghihinalaan pa
