***
Ilang oras nang nananatili si Nathan sa sinasabing meeting ng buong production, pero palagay niya'y fan meeting ang kinahantungan. Bukod kasi sa pagpapakilala sa lahat ng miyembro ng teatro, mga timeframe na dapat masundan at iba pang plano, mas lamang ang pakikipag-picture taking at pagpapa-authograph ng mga ito.
Wala namang kaso sa kaniya, dahil sanay na siya sa atensyon.
Narito sila sa malawak na conference room ng theatre house, at ang dalawang mesang pahaba ay halos mapuno ng mga taga-production crew. Ang sabi ay 'di pa narito ang lahat, dahil may ibang 'di nagawang maka-attend. Hindi pa kasi naaayos ang schedule ng ibang mga contractual. Recorded naman daw ang meeting na ise-send na lang daw sa mga ito.
Kanina pa nga niya hinihintay ang babaeng 'di nakakakilal
