[Pagpapatuloy]
Napayakap kay Janice ang babae kasabay nang mahina nitong paghikbi.
Hindi rin nagtagal ay kinausap sila ng doktor. Sinabi nito ang kondisyong kaniyang natamo matapos niyang madaplisan ng bala, dalawang buwan na ang nakararaan. May nadaling parte ng kaniyang utak at isang malaking himala na nga raw na nagising pa siya.
Halos gumuho ang kaniyang mundo nang marinig niya 'yon. Nawalan siya ng kakayahang makakilala ng mukha, kahit ang kaniyang sarili. Isang bibihirang kaso na iilan lamang sa mundo ang mayroon.
Paano na ang mga pangarap niya sa teatro? Paano siya makapagtatrabaho sa lugar na iyon kung ang mga nakakasalamuha niya, hindi niya magagawang makilala?
Kaya nga noong unang beses siyang kontakin ni Direk Gian patungkol sa pagiging member ng teatro nito,
