Malaking tulong ang nagawa sa kaniya ng psychologist na 'yon noon, subalit hindi naging maganda ang paghihiwalay ng landas nila. Dahil maging ito, pinaglaruan ang kahinaan niya. Ilang buwan na siyang nagpapakunsulta sa inakala niyang doktor, ngunit ang totoo'y isa naman palang peke.
Natuklasan niya ang pangloloko nito nang puntahan niya ito sa klinika. Wala silang schedule ng session noon, pero nagtungo siya roon para pasalamatan sa pamamagitan ng cake na iniluto niya.
Ngunit, ibang Dr. Ephraim Reyes ang natagpuan niya, hindi ang batang doktor, kung 'di isang matandang may namumuting buhok. Tinanong lang siya nito kung may appointment siya, ngunit wala siyang maisagot, sapagkat napatitig lang siya sa matangkad na lalaking kasunod nito.
Base sa tindig, taas, pangangatawan
