ANG UTOS ni Hades sa kanyang mga alagad ay ang salubungin ng isang magandang laban ang darating na panauhin. Ang kanyang pinapunta nga rito ay ang mga pinakamahihina niyang mga kasamahan na nasa tatlumpu ang bilang, at ang abilidad na elemental ng mga ito ay iba-iba at lahat ng apat na elemento ay tinataglay ng alinman sa mga iyon.
“Nakita ko ang apoy na ginamit mo kanina... at interesado akong makita iyon nang malapitan. Ngayon Flammanian, ipakita mo sa aking muli ang kakayahang iyon!” Lumipad nasi Hades papunta sa tuktok ng isa sa mga tore na matatagpuan sa lugar na iyon. Nasa may entrada ang lokasyon noon at ito nagsisilbi nilang tinginan sa tuwing may mga paparating na taga-labas. Mula nga sa kanyang pinwestuhan ay kitang-kita niya ang nangyayari sa direksyon kung saan nagaganap a
