NAPAMULAT bigla si Mars nang may kung anong basang bagay ang tumama sa kanyang mukha. Binuhusan pala siya ni Venus ng tubig mula sa kanang kamay nito na naging dahilan upang siya ay magising.
"Bumangon ka na!" sabi ng dalaga habang inaayos ang medyo gulo nitong buhok. Agad din namang bumangon si Mars. Ramdam din ng binata na parang nanumbalik na ang lakas niya. Ito’y dahil halos limang oras din silang nakatulog.
"K-kanina ka pang gising?" tanong naman ng binata sa dalaga. Iniangat din ni Mars sa kanyang harapan ang kanan niyang kamay. Tila hinahawakan nga niya ang hangin at sa isang kisapmata'y biglang isang pulang apoy ang sumiklab mula roon.
"Okay na uli ang apoy ko..." Pagkatapos noon ay pinatay niya iyon gamit ang kanyang kaliwang palad. Dahan-daha ngang naubos ang apoy han
