RAMDAM ni Mars ang kanyang panghihina sa sandaling iyon. Medyo sumasakit din ang kanyang ulo nang siya'y muling magising. Nasa loob nga siya ng isang hawla na yari sa transparent na bubog kung saan ay nakakadena ang kanyang mga kamay. Ang kadenang iyon ay gawa mula sa batong Nega kaya kahit anong pilit niyang kumawala ay hindi niya magawa dahil sa epekto noon sa tulad niyang may elemental na kapangyarihan.
"A-anong lugar kaya ito?" sambit niya sa sarili nang pagmasdan ang paligid. Maraming mga lagayan ng mga kemikal at specimen ang kanyang nakita. May isang pahabang mesa na puro papel din doon. Napalingon nga rin siya sa kanyang tabi at tatlong hawla pa ang kanyang nakita.
"V-venus?" Nagulat siya nang makita ang isang dalaga sa loob niyon. Doon na rin niya inalala ang nangyari sa k
