ANG BABAENG si Jade ang nagdala ng pagkain sa loob ng kulungan. Kagaya ng sinabi ni Hades, papakainin nila ito upang mabawi ng binata ang nawala nitong lakas. Ito’y upang maging handa ito sa magiging laban nila bukas. Malapitan nga niyang pinagmasdan si Mars at sa sinabi sa kanya ni Hades ay parang napakawalang-kwenta ng magiging laban ng dalawa bukas.
“Sero, seryoso ka bang lalabanan mo si Hades bukas?” tanong ni Jade na umupo gamit ang dalawang paa. Malapit siya kay Mars na kasalukuyang inaamoy ang pagkaing dinala sa kanya. Si Hikin naman ay pasimpleng pinagmamasdan ang babaeng iyon. Nararamdaman ng bata na malakas din ito at kagaya ng mga narito, alam niyang isa rin itong kriminal katulad ni Hades.
“Mukha ba akong nagbibiro?” nakangising winika ni Mars at hindi naman ito nagustu
