SUMABOG ang asul na apoy ni Hades sa paligid nang salagin ito ni Mars gamit ang kanyang espadang Yama na kasalukuyan na niyang hawak-hawak. Bago pa man siya atakehin ng kalaban ay nagawa na kaagad niya itong tawagin, at imbis na didiretso lang ito papunta sa kanya mula sa lugar kung nasaan ito... Sa pagkakataon kanina ay bigla na lamang itong lumabas sa kanyang mga kamay.
Nilabanan ni Mars ang lakas ng kapangyarihang iyon ni Hades. Ang espada na lang ang maaasahan niya sa pagkakataong ito, pero isang bagay muna ang gusto niyang gawin bago niya tuluyang labanan nang lubusan ito.
Napaatras siya nang sanggahin niya ang suntok ni Hades. Ramdam niya ang labis na init ng asul na apoy at pakiramdam niya ay tutupukin siya nito.
“Pero salamat sa espada ko,” winika ni Mars at pinadulas n
