“Ang Terranian na si Rhock? Hindi ko siya makakalimutan Ginoong Lava,” seryosong winika ni Mars na nakaramdam ng kaunting gigil mula sa kanyang mga ugat. Napansin naman ito ng batang si Hikin at napaseryoso bigla ito sa binata.
“Siya ang karibal ko sa mga grupo ni pinunong Ingris. Malakas din siya pero hindi ako pwedeng magpadaig sa kanya! Galingan natin mga kasama... Ipakita natin sa mga Terranian na iyon na mas malakas ang ating grupo!” bulalas ni Lava at isang malakas na sigaw ang ginawa ng kanyang mga kasamahan bilang pagtugon dito.
Nang marating nila ang lugar na pagkikitaan sa kabilang grupo ay nakita nila ang nasa pitong mga naka-itim ng pormal na kasuotan. Pawang mga nakapamulsa ang lahat at may kaseryosohan sa mga mata ng mga ito sa kanilang pagdating.
Pagkakita ni Rho
