NASAKSIHAN ng mga nasa wasak ng Normal Area ang ginawa ni Freya. Hindi nga nila maiwasang humanga sa ginawang iyon ng anak ni Sir Kuro. Nakita nila ang asul na apoy ng dalaga at sa ipinakita nito, isa iyong patunay na hindi basta-bastang first year student ito. Si Freya Manchester ay kagaya rin ng ama nito na kayang-kayang maging Hero ng Purif sa hinaharap.
Mula sa hindi kalayuan, isang Demon naman kasalukuyang nagwawala. Inaatake nito ang ilang mga estudyanteng nakikita nito. May ilang nilalabanan ito, ngunit may ilan ding tumatakbo papalayo.
“Kailangan nating mapabagsak ang isang ito... Nakita ninyo ang ginawa ng anak ni Sir Kuro... kung kaya niya, kaya rin natin,” wika ng isang second year sa mga kasama nito na kaklase niya. Kasalukuyan ding nagliliwanag ang mga Blue Aura ng mga
