TUMALSIK papalayo si Vruce matapos niyang subukang atakehin ang isang Demon na nakasalubong niya. Mas mataas at mas malaki ito kumpara sa mga kasamahan nito. May hawak din itong isang malaking palakol na may nagliliyab na apoy na kulay itim ang talim. Nababalot din ang katawan nito ng itim na aura na mas maitim kaysa sa ibang nakikita niyang Demon sa paligid.
“Hindi maganda ito...” wika ni Vruce na makikitang may mga galos na sa katawan dahil maraming beses na siyang nagpapagulong-gulong at tumatalsik sa bawat atake ng kalaban. Maraming ulit na rin niyang sinubukang makatama ng kahit isang atake rito, ngunit, tila ba alam ng Demon na kinakaharap niya ang gagawin niya.
Napatakbo si Vruce nang makitang tumatakbo na muli palapit sa kanya ang kalaban. Nayayanig na nga muli ang paligid
