Nakasakay na kami sa elevator papuntang penthouse nitong condominium. Ang sabi pa sa akin ni Roland ay ihahatid niya lang daw ako at babalik din siya sa parking lot dahil may kinakailangan siyang gawin. Tinanguan ko lamang siya at hindi na nagsalita pa.
Nang bumukas ang pinto ng elevator ay kaagad kong namataan ang iilang bantay sa may pinto ng penthouse. Binati nila ako at matipid ko lang silang tinanguan bilang pagsagot. Binuksan na nila ang pinto at iginaya ako papasok.
Ang sabi ni Roland ay sa study room ako pumunta kaya walang pagdadalawang-isip akong nagtungo roon.
Binuksan niya ang pinto para sa akin at pumasok ako sa loob. Naaabutan ko siyang nakatingin sa malaking bintana ng study room niya. May bote ng alak sa kanyang gilid at tila umiinom ito. Napangiti ako at kaagad namang k
