Nang pumunta kami sa lugar kung saan nila gustong mag-usap ay naabutan ko rin sina Silas at Hati roon. Si Hati ay naka-squat habang nilalaro ang ilang batong naroroon habang si Silas ay nakahilig sa pader ng isang building ng school. Umayos lamang sila ng tayo nang mapansin na ako.
“Sorry, Triana. Alam namin na abala ka sa pag-aaral pero we just want to ask you few things.” Si Hati ang unang nagsalita. Sina Gio at Avion kasi ay para bang ayaw mangealam at itong dalawang mas nakakatanda ang tunay na may pakay sa akin. “Tumawag kami sa ‘yo noong Friday but we couldn’t reach you.”
“Bakit? Na-low battery ang phone ko kaya hindi ako nakasagot. Kayo pala iyong hindi nakarehistrong numero na tumatawag sa cellphone ko.” Naalala ko na pagbukas ko nga ay maraming missed calls na mula sa hindi ako
