Hindi ako makatulog kagabi kahit na pagod ako sa trabaho dahil excited ako kinaumagahan. Sabado ngayon at hinihintay ko si Zavian na sunduin ako rito sa tapat ng apartment. Ngayon iyong date namin. Hindi ako mapakali. Magkahalong excitement at kaba ang nararamdaman.
Panay pa ang pagtingin-tingin ko sa salamin para lang matingnan kung maayos ba ang suot ko. Naka-skinny jeans lang naman ako at simpleng blouse. Maayos naman ang itsura ko sa palagay ko pero…baka kasi madismaya si Zavian.
Kailan pa ba ako nagkaroon ng pakealam sa itsura ko? Dati nga halos tela na hindi mo malaman lang ang sinusuot ko pero okay lang sa akin. Subalit ngayon kasi…iniisip ko kung anong sasabihin ni Zavian sa itsura ko.
Narinig ko ang pagbusina ng isang sasakyan sa labas. Nataranta pa ako at kinuha ang isang mala
