Lumabas si Zavian upang batiin ang matanda. Hinalikan nito sa pisngi ang kanyang lola, samantalang ang mga mata ng matanda ay hindi nililiban ang akin.
Sapat na ang titig niya sa akin upang maramdaman ko na hindi niya ako gusto at ayaw niyang makita pa akong muli. Nag-iwas siya ng tingin at binalingan si Zavian.
“What are you doing here, Lola?” tanong ni Zavian at tumingin sa akin. Kahit papaano ay nawala ang kaba ko dahil sa mga mata ni Zavian na tumingin sa direksyon ko.
“I was worried about you! Nang malaman mo raw na naroroon si Peachy kagabi sa dinner party ay hindi ka na tumuloy! What’s wrong with you two? Quarrel?” Muling tumingin sa akin ang matanda kaya’t bumalik ang kabang kanina lamang ay humuhupa na. “And who is this girl?! Bakit kasama mo ang babaeng ito rito? Look at you,
