Ipinagsawalang bahala ko ang narinig. Iniisip na mali ako. Na baka hindi naman kontrolado ni Javier ang nangyari sa kung ano mang gumuhong building ang sinasabi ni Zavian kanina.
Naghanda na lamang ako ng hapunan. Nag-text na rin ako kay Zavian at itinanong kung anong oras siya makakauwi ngunit hanggang ngayon ay wala pa akong natatanggap na reply. Halos isang oras na nang makapagpadala ako ng mensahe.
Nagdesisyon akong kumain nang maramdaman ko ang gutom. Hindi ako pwedeng magpalipas ng gutom dahil baka makasama sa baby namin.
Nakahiga na ako sa kama at dinadalaw na ng antok ay wala pa rin si Zavian. Nakatulugan ko na lamang ang lahat subalit hindi pa rin siya umuuwi. Mabigat ang kalooban kong nagpalamon sa antok.
Masama ang naging panaginip ko, kaya kalagitnaan ng gabi’y nagising ako
