Sheila
"Magsitayo ang lahat."
Napatayo kami sa sinabing 'yon ni Father. Tumayo din si Darell.
Kaagad kong binuhat si Jr at tinangka kong umalis ngunit kaagad na humarang si Darell sa harapan namin. Siya kasi ang nasa pinakagilid ng upuan.
Kaagad ko siyang binigyan ng matalim na tingin.
"Nagsasalita si Father," mahina at pa-simple niyang saad habang nakatitig din sa mga mata ko.
Hindi na siya ang Darell na mabagsik katulad noong pilit niya akong inilalabas ng kotse niya noong mga nakaraang linggo lang. Maamo na ulit ang mukha niya ngayon na parang dati lang.
Mahabang sandali akong nakipagtitigan sa kanya. Sa huli ay pinili kong manatili. Tiniis ko na lang ang presensiya niya sa tabi ko. Nalalanghap ko ang mamahalin niyang pabango at hindi masaway-saway ang puso ko sa bilis ng t***k
