Sheila
"Papa, gusto ko na broom-broom!" pangungulit na naman ni Jr sa ama niya.
Kasalukuyan kami ngayong naririto sa mesa at kumakain. Nagpa-order na talaga ng maraming pagkain si Darell kanina sa labas kaya ngayo'y halos mapuno ng iba't ibang klase ng pagkain ang mesa.
May 2 boxes of fried chicken na may napakaraming laman, four boxes of pizza, spaghetti, burgers, french fries, kanin, may pancit pa at kung ano-ano pa. Paano kaya namin ito isasaksak lahat sa tiyan namin?
"Parating na ang broom-broom. Nagpabili na si Papa," sagot naman ni Darell sa anak namin. Nakaupo sa gilid ng mesa si Jr habang nasa harapan naman niya ang daddy niya at nakaupo sa silya.
Abala din sila sa pagkain. May hawak na fried chicken si Jr habang pizza naman ang nilalantakan ng ama niya.
"Dadating na broom-b
