PARANG may humahalukay sa loob tiyan ni Allison pagkababa niya sa na-booked nilang sasakyan ng kapatid niyang si Catherine. Yumakap sa baywang niya si Micah na suot ang damit na binili nung nakaraan. Si Jio naman ang bumili ng damit nila ni Catherine na ayaw pa nga nya suotin dahil tingin niya mahal iyon. Madaming tao ang nagpapasukan sa mansion ng mga Dominguez, lahat nakasuot ng eleganteng damit at bumaba sa magagarang sasakyan. Ang iba'y nakita na niya minsan nung sumama siya sa meeting ni Andrew na pawang kliyente nila. Ang iba naman ay mga kilalang personalidad sa larangan ng basketball.
Impit na tili ang nadinig niya kay Catherine nang bumaba kasunod ng umalis nilang sasakyan ang basketball super star na si Dane Mikael Jimenez. Matangkad ito, gwapo at sakto lamang ang mangangata
