INISANG lagok ni Allison ang lamang tubig ng basong hawak niya saka huminga ng malalim. Ang dami pa aayusin sa unit ni Catherine at pagod na pagod na siya. Pagkauwi nila ni Jio ng alas tres ng madaling araw kanina, natulog lang siya saglit at nang magising direcho na siya tumungo sa dating inuupahan para mag-impake. Doon na siya kinita ni Jio at dala nito ang sasakyang mas malaki kaysa sa ginagamit nitong panghatid sundo sa kanya. Nabaling ang atensyon niya sa labas ng unit ng madinig ang pagtawa ni Micah.
Nakikipaglaro ito kay Jio na pagod din kabubuhat sa mga box ng gamit nilang magtiyahin. Hindi niya maiwasang mapangiti habang pinapanood ang dalawa sa labas. Naglalaro sila ng larong tinuro ni Catherine dito kaso hirap hirap ang pamangkin niya sa pag-explain kay Jio. Madami pa naman
