الحلقة 20ابو مراد

1254 Words

20 عاد بابا استا ولوا ومراد إلى بيتهم في المزرعة وهم يجرجرون أذيال الخيبة ويشعرون أن أوجاع الماضي تطاردهم في كل لحظة وتأبى أن تتركهم ينعمون بالمستقبل ، كانت الصدمة اكبر من ان يستوعبها مراد وبابا استا ولوا فلم يتوقعوا بتاتا أن يكون هذا رد أم لينا ولم يتخيلوا أن تطرح هذا الموضوع من الأساس جلسوا صامتين ثم قال بابا استا ولوا بإصرار . - و ايه المشكلة . حقهم - **ر حقهم هما كانوا يطولوا - أنت رايحلهم تمن عليهم ، لينا يتمناها احسن منك - أنا مش فاهم انت بتحبها اووي ليه كده هي اللي بنتك ولا أنا - ههههه أنت بتغير منها يا اهبل - ما هي أمها مزوداها أوووي - هما كده دماغهم كده - خلاص هي حره خلي بنتها بايرة جمبها - أنت عارف كويس أنها مش بايرة - أنا اللي باير مبسوط كده - ايه المشكلة امك هنتصل عليها هتيجي تجري يا فرحتها. - وبعدين - وابوك على فكرة هو كمان . - أبويا ايه بقى حضرتك - ما لاكش دعوه أنت أنا اللي هكلمه - لا . لا ما تكلمش حد لو سمحت - أنت مالك يا أخي أنا اللي هكلمه - قلتلك لا . دي صفحة وقفلتها ومش هفتحها عشان حد - ما تفتحهاش . افتحها أنا - لا . لا قلتلك أنا مش عايز أشوفه تاني - يا بني الدنيا ما بتتا خدش قفش كده - أنا كده ومش هتغير عشان حد - يمكن دي فرصة نفتح صفحة جديدة مع كل الناس دول مهما كانوا ابوك وامك - مش عايز أتكلم في الموضوع ده يا بابا أستا ولوا - خلاص يا مراد زي ما تحب أنهى مراد الحوار بعصبية مع بابا استا ولوا ولكن بابا استا ولوا قرر أن يتصرف هو كما يرى وشعر أن ام لينا تفتح مجال لحياة جديدة بطلبها وجود أبو مراد وأمه معه لطلب يد لينا ل الزواج من مراد رأى أن هذا ما يجب أن يحدث وربما يكون ذلك سببا لكي يصالح الدنيا ويصالح كل من تخا** معهم ، استيقظ بابا استا ولوا من نومه مبكرا و استعد ل السفر ل المنيا بلد أبو مراد طلب من السائق أن يجهز السيارة ل السفر ، ركب السيارة وأدار السائق عجلة القيادة ورحلوا متوجهين إلى الصعيد قطعوا مسافة طويلة في عدة ساعات حتى وصلوا إلى المنيا وحين اقتربوا من بلدة أبو مراد توقفوا بالسيارة يسألون عن سليم مراد البكري حتى دلهم على بيته أحد المارة ساروا بالسيارة مسافة أخرى بشوارع متهالكة وطرق غير ممهده حتى وصلوا إليه نزل بابا استا ولوا من السيارة أمام منزل أبو مراد طرق الباب فتح الباب رجل يشبه سليم أبو مراد في شبابه فسأله بابا استا ولوا - لو سمحت سليم البكري فين - خير حضرتك عايزه في ايه - حاجة تخصه هو ممكن تقوله لو سمحت - أنا ولده الكبير البكري سليم البكري - تشرفنا . أنا قلت كده برضوا أنت شبهه بالضبط يا بني - واضح أنك تعرف أبويا كويس - اه يا بني اعرفه كويس ممكن تناديه - لكن هو مش هنا والله - أمال هو فين - هو محجوز في المستشفى لمؤاخذه - مستشفى ليه - بعافيه شويه - الف لا بأس عليه - تسلم - ممكن تقولي أنهي مستشفى - مستشفى في القاهرة مش هنا - حالته متأخرة ل الدرجادي - شويه ربنا يعافيه - استناني ثواني يا بيه تركه لبعض الوقت وظل بابا استا ولوا يجلس وحيدا يتأمل جدران المنزل البسيط لكنه متسع مساحته كبيرة جدا واثاثه بسيط ولكنه مريح ، أتى البكري يحمل صينية عليها بعض الصحون ووضعها أمام بابا استا ولوا على المنضدة المقابلة ل بابا استا ولوا قائلا . - حاجة بسيطة مش أد مقامك يا بيه - لا متشكر جدا كتر خيرك - والله لازم تجبر الزاد - يعني أيه - احنا كرم الضيافة عندنا يتقطع فيه رقاب يا بيه - ما تكبرش الموضوع - عدم المؤاخذة حضرتك جاي من القاهرة ازاي - السواق جابني بعربيتي - يعني في سواق بره - اه - طب ثانيه واحده خرج البكري من المنزل ثم عاد ومعه السائق - اقعد مع البيه بتاعك كل - متشكر كتر خيرك - أنا قلت هتاكلوا يعني هتاكلوا اللي يدخل بيتنا ما يخرجش من غير ما ياخد واجب الضيافة - كده هنتعبكوا - تعبكوا راحه يا بيه - بس انت ما تعرفناش وما تعرفش احنا مين عشان تضايفنا كده - الضيف ضيف حتى لو غريب وما نعرفوش - حتى لو عرفت اني حما ابوك سليم - أنت الخواجة استا ولوا ابو الخواجايا - أسم الله عليك أنا - أنا خمنت كده برضوا - خمنت ازاي - شكلك خواجة وابويا ما يعرفش خواجات غيركوا - براوه عليك انت ذكي ولماح - مراد أخباره ايه - يهمك أمره - اخويا الصغير وانا في مقام أبوه ازاي ما يهمنيش - أنا جيت من وراه - لساه قلبه اسود ومش عايز يشوفنا . عموما ده مش وقته كل يا بيه أنت والسواق بتاعك وانا هروح اغير وهاجي معاكوا اود*ك لغاية أبوي في المستشفى . - يبقى كتر خيرك يا بني انصرف البكري وتركهم وجدوا أمامهم فطيرة كبيرة وصحن به زبده عليها عسل نحل وصحن به جبن قريش وصحن به مش وبدأوا يأكلون فكان الطعام لذيذ فعلا فأعجبهم جدا بالرغم أن المزرعة بها العديد من منتجات الألبان ولكن نمط الأطعمة التي يأكلونها ليست بهذا الشكل والنظام . أتى البكري بعد فترة - تسلم ايد*كوا والله يا بني ع الاكله دي - تسلم كتر خيرك يا بيه . مبسوط أن الاكل عجبكوا - كتر خيرك يا بني على كرم الضيافة . ياله بينا بقى ودينا لأبوك - يا له بينا يا بيه انصرفوا جميعا من البيت وركبوا السيارة متجهين إلى القاهرة حيث المستشفى التي يتعالج بها والد مراد حيث قطعوا مسافة طويلة لعدة ساعات حتى وصلوا إلى المستشفى ودخلوا متوجهين إلى الغرفة المحجوز بها دخل له البكري ابنه اولا كي لا ينفعل من المفاجأة فطلب سليم من ابنه أن يدخل إليه الخواجة استا ولوا سريعا فدخل إليه - سلامتك يا سليم - شمتان فيا - أعوذ بالله حد يشمت في المرض - عمري ما هسامحك انك حرمتني من ابني - أنا ما حرمتكش منه يا سليم انت اللي غدرت بريتا وحرمتها من ابنها - ابني . ضنايا وكان كبر وانا اولى بيه هو كان بيرضع عشان يقعد مع أمه - لسه قلبك جامد يا سليم المرض بيلين القلب - مش بقولك جاي شمتان - والله ما كنت اعرف انك تعبان عشان اشمت - أمال جيت ليه يا استا ولوا - مش عايز ابنك - نفسي أشوفه قبل ما اموت - بعد الشر عنك يا سليم هخليه يجي يزورك في المستشفى هنا حاضر - يبقى كتر خيرك و يا ريت تحنن قلبه على أبوه اللي ناسيه بقاله سنين - صدقني يا ابني أنا عمري ولا انا ولا ريتا قلنا له كلمه واحده وحشة في حقك و ممكن تسأله - المهم أنت كنت عايزني في ايه - خلي بالك انك زي ما مريت ب*روف صعبة مراد مر ب*روف اصعب مراد كمان كان تعبان ومحجوز في المستشفى - مراد ابني ليه - مراد اتجوز وخلف بنت والبنت ماتت ما اتحملش انهار ودخل المستشفى - حفيدتي منه ماتت وما شفتهاش قالها سليم وأغرورقت عيناه بالدموع ثم أردف - كل ده حصل لابني وانا ما اعرفش - لكن هو كويس دلوقتي وخرج من المستشفى وبيحاول يبدأ من جديد - الحمد لله أنه بقى كويس - رحنا عشان نخطب له بنت كويسه أوي لكن أهلها قالوا فين أبوه ورفضوا أن الجوازه تتم من غيرك انت وريتا - دول ناس ولاد اصول ما يتسابوش صحيح - جيتلك لقيتك تعبان وفي المستشفى زعلت على حظ الواد عيل فقري حظه على طول معقد من يوم ما اتولد - لا ما تقولش كده انا هخرج من هنا وهاجي معاك نخطبله افرح بيه المرة دي بدل ما فرحناش المرة اللي فاتت - عرفت بقى اني مش شمتان فيك أنا حزين عليك يا بني وربنا يعلم - أنت جيت في الوقت المناسب

Free reading for new users

Scan code to download app

App Store Google Play

Facebookexpand_more